یران میں ڈاکٹروں کے قومی دن کی مناسبت سے خطاب کرتے ہوئے فوج کے سربراہ نے کہا کہ ایران پر صیہونی حکومت کی مسلط کردہ جنگ کے دوران فوج کی میڈیکل اور امدادی ٹیمیں بھی سپاہیوں کے شانہ بشانہ صف اول پر کھڑی رہیں اور فوج کے آپریشن تھیئیٹر 24 گھنٹے منحوس صیہونی حکومت کے حملوں میں زخمی ہونے والوں کو خدمات پیش کر رہے تھے۔
انہوں نے کہا کہ ملک بھر میں فوج کے ہسپتالوں نے دل و جاں سے زخمی عام شہریوں کا بھی علاج کیا اور اس طرح قوم سے اپنی محبت کا بھرپور اظہار کیا۔
میجر جنرل امیر حاتمی نے کہا کہ ہم نے آٹھ سالہ مسلط کردہ جنگ کے دوران بھی کامیابی حاصل کی جبکہ انقلاب اس وقت نیا نیا کامیاب ہوا تھا اور اس بار جب غاصب اور بچوں کی قاتل صیہونی حکومت نے ہم پر جنگ مسلط کی تو ہم نے اس بار بھی ان کی ناک رگڑ دی۔
اسلامی جمہوریہ ایران کی فوج کے سربراہ نے زور دیکر کہا کہ ہم ایسی دنیا میں زندگی بسر کر رہے ہیں جہاں طاقت کا دعوے دار ملک، "طاقت کے ذریعے امن مسلط کرنے” کا قائل ہے جس کا مطلب ہے "چوں چرا کے بغیر ہتھیار ڈالنا”۔
انہوں نے کہا کہ ایسی دنیا میں طاقتور سے طاقتورتر اور مستحکم سے مستحکم تر ہونے کے علاوہ ہمارے سامنے کوئی راستہ نہیں ہے۔
میجر جنرل امیر حاتمی نے کہا کہ ہمیں اپنی قوم کی حفاظت کے لیے پہلے سے زیادہ طاقتور فوج کی ضرورت ہے۔
اس پروگرام کے دوران فوج کے ڈاکٹروں، نرسوں اور منتخب طبی عملے کی قدردانی بھی کی گئی۔
