کراچی: موسلا دھار بارش سے جناح انٹرنیشنل ایئرپورٹ پر فلائٹ آپریشن متاثر ہونے سے متعدد پروازیں تاخیر کا شکار ہے۔
تفصیلات کے مطابق کراچی میں موسلا دھار بارش کے باعث جناح انٹرنیشنل ایئرپورٹ پر فلائٹ آپریشن متاثر ہوا، جس سے ملکی و غیر ملکی پروازیں تاخیر کا شکار ہوئیں۔
ایئرپورٹ ذرائع نے بتایا کہ پاکستان انٹرنیشنل ایئرلائن (پی آئی اے) کی کراچی سے اسلام آباد جانے والی پرواز PK-300 30 منٹ کی تاخیر سے روانہ ہوئی جبکہ فلائی جناح کی پرواز FJ-670 ایک گھنٹے کی تاخیر سے صبح 8 بجے روانہ کی گئی۔ ایئرسیال کی صبح 7 بجے روانہ ہونے والی اسلام آباد پرواز بھی تاحال روانہ نہ ہو سکی۔
اسی طرح پی آئی اے کی کراچی سے لاہور پرواز PK-302 صبح 8 بج کر 30 منٹ پر روانہ ہوئی، جو کہ مقررہ وقت سے آدھا گھنٹہ تاخیر کا شکار تھی۔
