ایران اور پاکستان کے وزرائے خارجہ سید عباس عراقچی اور سینیٹر محمد اسحاق ڈار نے ٹیلیفونی گفتگو میں باہمی روابط اوربین الاقوامی تغیرات پر تبادلہ خیال کیا
ایران اور پاکستان دونوں ملکوں کے وزرائے خارجہ نے اس ٹیلیفونی گفتگو میں باہمی دلچسپی کے سبھی شعبوں میں تعاون کی اہمیت پر زور دیا ۔
دونوں وزرائے خارجہ نے دو طرفہ روابط کے فروغ کے ساتھ ہی علاقائی اور بین الاقوامی امن و استحکام کے تحفظ میں سبھی بین الاقوامی تنظیموں اوراداروں میں تہران اور اسلام آباد کے باہمی تعاون کی تقویت پر زور دیا۔
ایران اور پاکستان کے وزرائے خارجہ نے فلسطین کوعالم اسلام کا اہم ترین مسئلہ قرار دیا اور غزہ میں فلسطینی عوام کی نسل کشی رکوانے نیز مجرمین کے مواخذے کے لئے اسلامی ملکوں کی جانب سے بلا تاخیر موثر اقدامات کو ضروری قرار دیا۔
وزیر خارجہ سید عباس عراقچی نے اس ٹیلیفونی گفتگو میں سلامتی کونسل میں منسوخ شدہ قرار دادوں کی بحالی کے لئے یورپی ٹرائیکا کے غیر قانونی اقدام کی مخالفت پر مبنی ذمہ دارانہ موقف کا شکریہ ادا کیا۔
انھوں نے کہا کہ سلامتی کونسل کی قرار داد 2231 کو جے سی پی او اے کی دفعات اور متن کے مطابق اپنے مقررہ وقت ، 18 اکتوبر 2025 کو ختم شدہ سمجھنا چاہئے۔
