امریکہ اور روس کے صدور کے درمیان ٹیلی فون پر گفتگو،صدر پیوٹن یوکرینی صدر زیلنسکی سے ملاقات کے لیے تیار

امریکہ کے صدر ڈونلڈ ٹرمپ اور روس کے صدر پیوٹن کے درمیان ٹیلی فون پر گفتگو ہوئی جس میں صدر پیوٹن نے امریکی ہم منصب کو آگاہ کیا کہ وہ یوکرینی ہم منصب زیلنسکی سے ملاقات کے لیے تیار ہیں۔

غیر ملکی میڈیا کے مطابق امریکہ اور روس کے صدور کی یہ گفتگو 40 منٹ تک جاری رہی ۔صدر ٹرمپ اور صدر پیوٹن نے روس اور یوکرین کے درمیان براہ راست بات چیت کی حمایت کی جس میں دونوں ملکوں کے نمائندوں کا درجہ بڑھانے کی تجویز پر آمادگی کا اظہار کیا گیا۔ روس یوکرین صدور کی ملاقات اگست کے آخر تک ہونے کی امید ہے۔

صدرٹرمپ نے کہا کہ امن معاہدہ ہو گیا تو امریکا یوکرین کی سلامتی کی ضمانت میں مدد کرےگا ۔ پیوٹن زیلنسکی ملاقات کے مقام کا تعین بعد میں ہوگا۔