کینبیرا نے آسٹریلیا کے چند شہروں میں یہودیوں کے مذہبی مراکز پر حملے کا الزام تہران پر عائد کیا ہے اور اس بہانے ایران کے سفیر کو ناپسندیدہ شخصیت قرار دیا، تہران میں اپنے سفارتخانے کو بند اور سفارتے عملے کو ایران چھوڑنے کا حکم دیا ہے جس پر وزیر خارجہ سید عباس عراقچی نے ردعمل ظاہر کرتے ہوئے کہا کہ:” میں مطلوبہ جنگی مجرموں کے ساتھ کسی موضوع پر متفق نہیں رہا ہوں لیکن نتن یاہو کی بات اس معاملے میں بالکل درست ہے کہ آسٹریلیا کے وزیر اعظم ایک انتہائی کمزور سیاستداں ہیں۔
سید عباس عراقچی نے اپنے ایکس پوسٹ میں لکھا ہے کہ :” ایران ہمیشہ یہودی برادری کا میزبان رہا ہے اور ہمارے ملک میں دسیوں کنیسے (یہودی عبادگاہیں) موجود ہیں۔ [لہذا] آسٹریلیا میں یہودیوں کے مذہبی مقامات پر حملے کا الزام ایران پر عائد کرنا، بے معنی ہے جبکہ ایران میں ان مقامات کی بھرپور حفاظت کی جاتی ہے۔
سید عباس عراقچی نے مزید لکھا کہ:” بظاہر یہ طے ہوچکا ہے کہ آسٹریلیا کے عوام کی جانب سے فلسطین کی حمایت کی قیمت ایران کو ادا کرنی ہے۔”
وزیر خارجہ نے کہا کہ کینبیرا کو یہ بات سمجھ لینی چاہیے کہ جنگی مجرموں کی قیادت والی حکومتوں کی رضامندی حاصل کرنے کے نتیجے میں صرف نتن یاہو اور اس جیسے افراد کی جراتیں بڑھیں گی۔
