میڈیا ذرائع نے جمعرات کی صبح رپورٹ دی ہے کہ فلسطین کے ممتاز بین الاقوامی کھلاڑی جو دوڑ کے متعدد بین الاقوامی مقابلوں میں حصہ لے چکےتھے جنوبی غزہ میں کھانا حاصل کرنے کی جستجو کے دوران صیہونی فوجیوں کی فائرنگ کا نشانہ بن کر شہید ہوئے ہیں۔
شہید علام عبداللہ العمور، فلسطین کے مشہورکھلاڑیوں میں شمار ہوتے تھے اور انھوں نے مغربی ایشیا کلب کے 3 ہزار میٹر کی دوڑ کے مقابلوں میں کانسی کا تمغہ حاصل کیا تھا۔
شہید علام عبداللہ العمور دوڑ کے متعدد بین الاقوامی مقابلوں میں فلسطین کی نمائندگی کرچکے تھے اور فلسطین کے مایہ ناز کھلاڑیوں میں شمار ہوتے تھے۔
