لاہور : سی ٹی ڈی پنجاب نے 940 انٹیلی جنس بیسڈ آپریشنز کے دوران 89 دہشت گرد گرفتار کرلئے ، گرفتار دہشت گردوں کا تعلق مختلف شہروں سے ہے۔
تفصیلات کے مطابق انسداد دہشتگردی فورس (سی ٹی ڈی) نے دہشتگردی کے خدشات کے پیش نظر پنجاب بھر میں گزشتہ تین ماہ کے دوران 940 انٹیلی جنس بیسڈ آپریشنز کیے، جن میں 89 دہشتگرد گرفتار ہوئے۔
ترجمان سی ٹی ڈی نے بتایا کہ گرفتار دہشتگردوں کا تعلق مختلف شہروں سے ہے، لاہور اور راولپنڈی سے 14، فیصل آباد اور بہاولپور سے 7، جھنگ سے 6، سرگودھا سے 6، ساہیوال سے 5، گوجرانوالہ سے 4 جبکہ گجرات سے 3 دہشتگرد پکڑے گئے۔
ترجمان ک کا کہنا تھا کہ دہشت گردوں کے قبضے سے دھماکاخیز مواد، 85 ڈیٹونیٹرز، 183 فٹ تار، 717 پمفلٹس، موبائل فونز، نقدی، پرائما کارڈ اور حساس مواد برآمد کیا گیا۔
ترجمان کے مطابق دہشتگرد مختلف مقامات پر حملوں کے ذریعے خوف و ہراس پھیلانے کی منصوبہ بندی کر رہے تھے۔
سی ٹی ڈی نے مزید بتایا کہ گزشتہ تین ماہ کے دوران 13 ہزار 521 کومبنگ آپریشنز بھی کیے گئے جن میں 5 لاکھ 52 ہزار 692 افراد سے پوچھ گچھ کی گئی، جبکہ 1131 مشتبہ افراد کو گرفتار کیا گیا۔
