جعفریہ اسٹوڈنٹس آرگنائزیشن پاکستان کے جوان ملک میں امن و استحکام کے قیام کے لیے طلبہ اپنا کردار ادا کریں اور اپنے کردار اور عمل سے معاشرے میں مثبت تبدیلی لائیں، قائد ملت جعفریہ پاکستان
راولپنڈی : جعفریہ اسٹوڈنٹس آرگنائزیشن پاکستان کا چوتھا مرکزی اجلاس عاملہ 5,6,7 ستمبر 2025 بروز جمعہ ہفتہ اتوار بمقام امام بارگاہ قصر سکینہ س اسلام آباد میں مرکزی صدر برادر محمد اکبر کی زیر صدارت منعقد ہوا جس میں ملک بھر سے مرکزی کابینہ سمیت بھرپور انداز میں ڈویژنل اراکین شریک ہوئے۔ اجلاس میں تنظیمی کارکردگی سمیت گزشتہ مدت کے دوران تعلیمی، فلاحی اور تربیتی سرگرمیوں کا جائزہ لیا گیا اور آئندہ کے اہداف و لائحہ عمل پر تفصیلی مشاورت ہوئی۔ شرکائے اجلاس نے اپنے اپنے ڈویژن کی تنظیمی رپورٹس پیش کیں اور درپیش مسائل و چیلنجز سے بھی آگاہ کیا۔
اجلاس میں مختلف ایجنڈا زیر بحث لائے گئے۔ نوجوانوں سے نرکزی نائب صدر شیعہ علماء کونسل پاکستان و رکن نظارت جے ایس او پاکستان علامہ عارف حسین واحدی، صوبائی صدر شمالی پنجاب علامہ سید اشتیاق حسین کاظمی، سید اظہار بخآری صاحب اور مرکزی رکن نظارت ڈاکٹر سید عون ساجد نقوی، سیکرٹری نظارت جے ایس او پاکستان برادر حسن رضا، سابق مرکزی صدر جے ایس او پاکستان و رکن مرکزی مجلس نظارت برادر الطاف کاظمی، رکن نظارت مولانا فرحت عباس جوادی، رکن نظارت برادر باقر حسنین اور رکن نظارت محترم مظہر ہاشمی نے شرکت و نوجوانوں سے گفتگو کی۔
اس موقع پر جے ایس او پاکستان کی مرکزی مجلس نظارت کا اہم اجلاس بھی قائد ملت جعفریہ پاکستان کی صدارت میں منعقد ہوا اور تنظیم کی بہتری اور فعالیت کے لئے ایک فیصلہ جات کیئے گئے۔
اجلاس عاملہ کی تیسری نشست میں قائد ملت جعفریہ پاکستان آیت اللہ سید ساجد علی نقوی نے خصوصی صدراتی خطاب کرتے ہوئے کہا کہ نوجوان پاکستان کی تعمیر و ترقی میں بنیادی کردار ادا کرسکتے ہیں، طلبہ اپنے کردار اور عمل سے معاشرے میں مثبت تبدیلی لائیں۔ انہوں نے نظم و ضبط، اخلاقیات اور باہمی احترام کو کامیابی کی بنیاد قرار دیا۔قائد محترم نے مزید کہا کہ اہل بیتؑ کی تعلیمات ہی کردار سازی اور عدل و انصاف کا راستہ ہیں، ان تعلیمات کو اپنانے سے معاشرہ حقیقی ترقی کی راہ پر گامزن ہوگا۔ آخر میں انہوں نے قومی وحدت و اتحاد پر زور دیتے ہوئے کہا کہ ملک میں امن و استحکام کے قیام کے لیے طلبہ اپنا کردار ادا کریں
