فیصل آباد کیمیکل فیکٹری حادثے میں قیمتی جانوں کے ضیاع پر افسوس کا اظہار،زخمیوں کی جلد صحت یابی کیلئے دعاگو ہیں ، قائد ملت جعفریہ پاکستان علامہ سید ساجد نقوی
حادثے کی اعلیٰ سطح تحقیقات و ہنگامی نوعیت کے اقدامات کئے جائیں، منہدم گھروں اور ان کے نقاصانات کاازالہ کیا جائے
راولپنڈی/اسلام آباد 21نومبر2025ء : قائد ملت جعفریہ پاکستان علامہ سید ساجد نقوی نے فیصل آباد کیمیکل فیکٹری حادثے میںقیمتی جانوں کے ضیاع پر افسوس کا اظہارکرتے ہوئے حادثے میں جاں بحق افراد کے لواحقین سے اظہار تعزیت اور زخمیوں کی جلد صحت یابی کیلئے دعاکی ۔علامہ ساجد نقوی نے کہاکہ حادثے کا شکار زخمیوں کو جدید طبی امداد فراہم کی جائے اور اس امر پر انتظامیہ کی توجہ مبذول کرائی کہ حادثے کا شکارفیصل آباد کیمیکل فیکٹری کا آباد ی میں ہونا لمحہ فکریہ جس پر متعلقہ محکمہ جات بھی ذمہ دار ہیں اس پر شفاف تحقیقات کرکے ذمہ دارادن کا تعین کرکے انہیں قرار واقع سزا دی جائے علاوہ ازیں حادثے کے باعث منہدم گھروں، عمارتوں اور ان کے نقاصانات کاازالہ بھی کیا جائے۔علامہ ساجد نقوی نے مزید کہاکہ حادثے کی اعلیٰ سطح تحقیقات و ہنگامی نوعیت کے اقدامات کرتے ہوئے مستقبل میں اس قسام کے حادثے کی روک تھام کیلئے عملی طور پر ضروری ہے کہ کیمیکل فیکٹریوں کو آبادی سے باہر منتقل کیا جائے اور جن فیکٹریز میں بوائلرز موجود ہیں ازسر نو ان کی فٹنس چیکنگ کرائی جائے ۔
