علامہ سید عبدالجلیل نقوی اور پروفیسر خادم حسین لغاری کی برسی کی مناسب سے
قائد ملت جعفریہ پاکستان علامہ سید ساجد علی نقوی کا پیغام
راولپنڈی/ اسلام آباد۔ 8 جنوری 2026 ء : قائد ملت جعفریہ پاکستان علامہ سید ساجد علی نقوی نے شیعہ علماءکونسل پاکستان کے مرکزی رہنما اور ممتاز عالم دین علامہ سید عبد الجلیل نقوی کی 8 ویں برسی اور شیعہ علماءکونسل کے مرکزی رہنما ور ممتاز ماہر تعلیم و سماجی شخصیت پروفیسر خادم حسین لغار ی کی 9 ویں برسی کے موقع پر ان شخصیات کی دینی، ملی، سماجی اور سیاسی خدمات کو لائق تحسین قرار دیتے ہوئے انکے درجات کی بلندی اور پسماندگان کے لئے صبر جمیل کی دعا کی۔ اپنے بیان میں علامہ ساجد نقوی نے مزید کہا کہ مشکل اور نامساعد حالات میں ملت کی فلاح اور ملک میں اتحاد و وحدت کے فروغ کے لئے علامہ جلیل نقوی کی جدوجہد کاملک کا ایک بڑا طبقہ معترف ہے انہوں نے ملی امور کی انجام دہی اور ملک میں وحدت کے فروغ میں اہم کردار ادا کیا۔ اسی طرح پروفیسر خادم حسین لغاری نہ صرف ماہر تعلیم بلکہ ایک متحرک سماجی و سیاسی شخصیت تھے جنہوںنے نادار اور مستحق طلبہ کو تعلیم کی فراہمی کے لئے قابل ذکر کوششیں کیں اور رفاہی و فلاحی شعبوں میں گرانقدر خدمات انجام دیں ۔ ان شخصیات کی خدمات تادیر یاد رکھی جائیں گی۔ انکی وفات نہ صرف انکے خانوادے کے لئے ناقابل تلافی نقصان کا سبب ہے بلکہ ملی و قومی سطح پر بھی خلاء کا باعث ہے .
ملت، تعلیم اور سماج کے لیے گرانقدر خدمات: علامہ عبد الجلیل نقوی اور پروفیسر خادم حسین لغاری کی برسی پر قائد ملت جعفریہ پاکستان کا پیغام
متعلقہ مضامین
