غزہ میں حماس کے خلاف اسرائیل کا ساتھ نہ دینے پر فلسطینوں کی ٹارگٹ کلنگ کا انکشاف ہوا ہے۔
اسرائیلی میڈیا نے اپنی رپورٹ میں بتایا کہ غزہ میں فلسطینوں کو حماس کے خلاف استعمال کرنےکی اسرائیلی کوششیں جاری ہیں اور اسرائیلی فوج فلسطینوں کو حماس کے خلاف لڑنےکےلیے اسلحہ اور بھاری رقوم دینےکی کوششیں کررہی ہے۔
رپورٹ کے مطابق اسرائیل نے غزہ میں آباد معروف فلسطینی قبیلے حمائل کے سربراہان کو خریدنے کی کوشش کی مگر فلسطینی قبیلے کے انکار پر اسرائیلی فوج نےان کے 50 سے زائد افراد کوقتل کیا۔
اسرائیلی میڈیا کا کہنا ہےکہ غزہ میں حماس کے متبادل انتظامی ڈھانچہ کھڑا کرنے کی اسرائیلی کوششیں تاحال جاری ہیں اور حمائل کے انکار کے بعد دیگر قبائل کو خریدنے کی کوشش کی جارہی ہے۔
