اسلام آباد: قائد ملت جعفریہ پاکستان علامہ سید ساجد علی نقوی دامت برکاتہ سے شیعہ علماء کونسل پاکستان صوبہ سندھ کے نمائندہ وفد بعنوان “کاروان عہد و وفا” نے صوبائی صدر علامہ ڈاکٹر اسد اقبال زیدی کی سربراہی میں جامعہ الکوثر اسلام آباد میں ملاقات کی۔ ملاقات میں شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے بھی شرکت کی جبکہ کاروان عہد و وفا میں شامل تھے۔ ملاقات میں صوبائی صدر علامہ اسد اقبال زیدی نے سپاس نامہ پیش کیا جبکہ مرکزی سیکرٹری جنرل علامہ ڈاکٹر شبیر حسن میثمی نے سندھ کے وفد کی آمد شکریہ اداء کیا اور عہد و وفا کاروان کی خدمات کو سراہتے ہوئے قیادت سے سندھ کے عوام کی محبت کو خراج تحسین پیش کیا۔ اس موقع پر مرکزی سیکرٹری جنرل کو صوبہ سندھ کی جانب سے ان کی ان تھک تنظیمی فعالیت، سماجی و سیاسی خدمات اور رفاہ عامہ کے لیے بے لوث گرانقدر خدمات کے اعتراف کے طور پر یادگاری سیونیئر اور اجرک کا تحفہ پیش کیا گیا۔بعدازاں قائد ملت جعفریہ پاکستان علامہ سید ساجد علی نقوی دامت برکاتہ نے صوبہ سندھ کے نمائندہ تنظیمی وفد سے خطاب کرتے ہوئے سندھ میں تنظیم کی مظبوط خطوط پر استواری کو سراہا اور ان کو اب تک کے کامیاب عوامی اجتماعات منعقد کرنے پر مبارکباد پیش کی۔ انہوں نے واضح کیا کہ شیعہ علماء کونسل پاکستان معاشرے میں عدل و انصاف کے قیام اور عوامی حقوق کی محافظ جماعت ہے جس نے ماضی میں بھی معاشرے میں عوام کے حقوق کی جدوجہد اتحاد و وحدت اور بین المذاہب و بین المسالک ہم آہنگی کے ذریعہ کامیابی سے انجام دیں اور یہ جماعت وطن عزیز پاکستان میں اسلام کی حیاء کا تسلسل ہے۔ انہوں جماعت اور معاشرے میں گروہ بندی سے اجتناب کرنے کی تاکید کرتے ہوئے وطن عزیز میں ہم آہنگی کے فروغ میں کردار اداء کرنے کی رہنمائی بھی فرمائی۔ ملاقات میں صوبہ سندھ کے تمام اضلاع سے آئے ہوئے نمائندوں نے قائد محترم کو سندی کلچر کے مطابق اجرکیں پہنائی۔ اس موقع پر مرکزی سیکرٹری جنرل علامہ ڈاکٹر شبیر حسن میثمی اور صوبائی صوبائی صدر سندھ علامہ اسد اقبال زیدی نے قائد محترم کی نصف صدی پر محیط بطور قومی قیادت خدمات کے اعتراف میں شیعہ علماء کونسل صوبہ سندھ کی جانب سے یادگاری شیلڈ پیش کی اور ان کو 25 جنوری 2026 کو سیون میں منعقد ہونے والی عظمت شہداء کانفرنس میں شرکت کا دعوت نامہ پیش کیا۔
