بدھ, نومبر 18, 2026
ہومقائد کے مواقفقائد ملت جعفریہ پاکستان علامہ سید ساجد علی نقوی کا آیت اللہ...

قائد ملت جعفریہ پاکستان علامہ سید ساجد علی نقوی کا آیت اللہ العظمیٰ وحید خراسانیؒ کے انتقال پر گہرے دکھ اور افسوس کا اظہار

اہلِ بیتِ عصمت و طہارت علیہم السلام کے فقیہ، عالمِ تشیع کی عظیم المرتبت مرجعِ تقلید اور ممتاز حوزۂ علمیہ کے استاد، حضرت آیت اللہ العظمیٰ وحید خراسانی (قدس سرہ) کے دردناک انتقال کی خبر سے مجھے، پوری ملتِ تشیع اور مکتبِ اہلِ بیت علیہم السلام سے وابستہ عقیدت مندوں کو گہرے دکھ اور رنج و غم کا سامنا کرنا پڑا ہے۔

بلاشبہ اس عالمِ ربانی کی رحلت، فقاہت و مرجعیت، حوزہ ہائے علمیہ اور مکتبِ اہلِ بیت علیہم السلام کے تمام پیروکاروں کے لیے ایک عظیم اور ناقابلِ تلافی نقصان ہے۔ اس فقیہِ جلیل القدر کے علمی و معنوی آثار، اخلاقی فضائل، تقویٰ و پرہیزگاری اور مخلصانہ خدمات ہمیشہ اہلِ علم و معرفت کے لیے مشعلِ راہ رہیں گی۔

میں اس عظیم سانحۂ ارتحال پر حضرت بقیۃ اللہ الاعظم امام زمانہ عجل اللہ تعالیٰ فرجہ الشریف، ولیِ امر مسلمینِ جہانِ تشیع حضرت آیت اللہ سید مجتبیٰ خامنہ ای دام ظلہ العالی، مراجعِ عظامِ تقلید دامت برکاتہم، حوزہ ہائے علمیہ، مرحوم کے خاندانِ مکرم، ان کے شاگردوں، عقیدت مندوں اور تمام مومنین و مومنات کی خدمت میں دلی تعزیت و تسلیت پیش کرتا ہوں۔

متعلقہ مضامین
- Advertisment -
Google search engine

تازہ ترین