- واشنگٹن: امریکی صدر ڈونلڈ ٹرمپ نے اعلان کیا ہے کہ وہ 15 اگست کو روس کے صدر ولادیمیر پیوٹن سے ملاقات کریں گے، جس میں دونوں رہنماؤں کے درمیان عالمی سطح پر جاری مختلف مسائل، دوطرفہ تعلقات کو مضبوط بنانے اور علاقائی امن و سلامتی کے موضوعات پر تفصیلی تبادلہ خیال متوقع ہے۔
- یہ ملاقات عالمی سیاست میں اہم پیش رفت تصور کی جا رہی ہے اور اس کا مقصد دونوں ممالک کے مابین تعاون کو فروغ دینا اور موجودہ کشیدگیوں کو کم کرنا ہے۔
- صدر ٹرمپ نے سوشل میڈیا پر بیان جاری کرتے ہوئے کہا کہ روسی صدر سے ملاقات 15 اگست کو الاسکا میں ہوگی۔
- اس سے پہلے ٹرمپ نے وائٹ ہاؤس میں کہا تھا کہ وہ جلد روسی صدر یپوٹن سے ملاقات کریں گے ۔
- امریکی اخبار کے مطابق صدرپیوٹن نے امریکا سے کہا کہ مشرقی یوکرین کے بدلے وہ جنگ ختم کریں گے جبکہ ٹرمپ نےکہا کہ ہم کچھ علاقے واپس لینے، کچھ تبدیل کرنے کی راہ دیکھ رہے ہیں۔
- خیال رہےکہ امریکی صدر ٹرمپ نے 8 اگست تک یوکرین امن معاہدہ نہ کرنے کی صورت میں روس پر نئی پابندیوں کی دھمکی دی تھی۔
ٹرمپ نے 15 اگست کو روسی صدر سے ملاقات کا باقاعدہ اعلان کردیا
