مقبوضہ بیت المقدس غزہ کے مختلف علاقوں پر صیہونی حکومت کے حملوں کے نتیجے میں متعدد افراد شہید اور زخمی ہوئے جن میں مجاہدین بریگیڈ کے ایک سینئر رکن بھی شامل ہے۔
اطلاعات کے مطابق وسطی غزہ کے "النصیرات” کیمپ کے مغرب میں پناہ گزینوں کے خیموں پر قابض فوج کے حملے میں سات افراد بھی شہید ہو گئے۔
شمالی رفح میں تین افراد اس وقت شہید اور درجنوں زخمی ہوگئے جب صیہونی فوجی نے ایک امدادی مرکز پر اچانک حملہ کردیا۔
یہ پہلی بار نہیں جب صیہونی فوجیوں نے غزہ میں پناہگزینوں کے خیموں اور امداد رسانی کے مراکز کو نشانہ بنایا ہے۔ رپورٹوں سے پتہ چلتا ہے کہ امدادی مراکز اور پناہگزینوں کے خیموں پر حملوں کو اسرائیلی فوج نے اپنا معمول بنا لیا ہے۔
