عوام کیلیے خوشخبری ہے کہ کراچی سمیت ملک بھر کیلئے بجلی سستی کر دی گئی۔
نیشنل الیکٹرک پاور ریگولیٹری اتھارٹی (نیپرا) نے بجلی 1روپے 88 پیسے فی یونٹ سستی کرنے کی منظوری دیدی۔
نیپرا کی جانب سے سہ ماہی ایڈجسٹمنٹ کی مد میں بجلی کی قیمت کم کی گئی ہے۔ مالی سال 2024-25 کی چوتھی سہ ماہی ایڈجسٹمنٹ مدمیں کمی کی گئی۔
نیپرا نے بجلی کی قیمتوں میں کمی کا فیصلہ وفاقی حکومت کو بھجوا دیا ہے۔
فیصلے میں نیپرا کا کہنا ہے کہ صارفین کو اگست سے اکتوبر 2025 تک ریلیف ملےگا۔ بجلی صارفین کو 55 ارب 87 کروڑ 40 لاکھ روپے کا ریلیف ملے گا۔
سنٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) کو بجلی کے نرخوں میں 1 روپے 75 پیسے فی یونٹ کمی کی درخواست دی تھی۔
یہ درخواست مالی سال 2024-25 کی چوتھی سہ ماہی ایڈجسٹمنٹ کی مد میں دی گئی ہے۔
