عالمی یوم اطفال پربھی مظلوم فلسطینی بچے ظلم و جارحیت کا شکار، عالمی بے حسی تشویشناک، قائد ملت جعفریہ پاکستان
سلامتی کونسل کی قرارداد نے مسلط کردہ امن معاہدے کی توثیق کرکے سامراجی تسلط کو مضبوط کیا، علامہ سید ساجدعلی نقوی
بچوں کی تربیت ایسے کی جائے کہ وہ معاشرے کا بہترین فرد بن کر معاشرے کی بہتری میں کلیدی کردار ادا کریں ، پیغام
راولپنڈی /اسلام آباد 20 نومبر2025ء : قائد ملت جعفریہ پاکستان علامہ سید ساجد علی نقوی کہتے ہیں عالمی یوم اطفال پر بھی مظلوم فلسطینی بچے ظلم و جارحیت کا شکار،بین الاقوامی اداروں کی بے بسی اورعالمی بے انصافی کو اپنی زخمی آنکھوں سے دیکھ رہے ہیں، معاملے پر عالمی بے حسی تشویشناک ہے ، سلامتی کونسل کی قرارداد نے مسلط کردہ امن معاہدے کی توثیق کرکے سامراجی تسلط کو مزید مضبوط اور محفوظ کیاظلم و جارحیت کی نہیں روکا ۔
ان خیالات کا اظہار انہوں نے بین الاقوامی عالمی یوم اطفال کے عالمی دن پر اپنے پیغام میں کیا۔قائد ملت جعفریہ پاکستان نے کہاکہ ایک طرف دنیا عالمی یوم اطفال منارہی ہے مگر دوسری طرف ہزاروں بچے صہیونی و سامراجی قوتوں نے تہ تیغ کردیئے، خواتین، بزرگ شہریوں کیساتھ کم سن بچوں کا قتل عام نسل کشی عالمی امن کیلئے لمحہ فکریہ کیساتھ عالمی سامراجی انتہائی تشویشناک ہے ۔
قائد ملت جعفریہ پاکستان علامہ سیدساجد علی نقوی نے مزید کہاکہ اسلام صرف ایک مذہب نہیں مکمل ضابطہ حیات ہے ،جس نے انسانیت سے جڑے تمام پہلوئوں کے حوالے سے نہ صرف رہنمائی فرمائی بلکہ اس کی روحانی و معاشرتی تربیت کیساتھ ساتھ ہر شعبہ زندگی کے لئے مکمل اور جامع نظام وضع دیا ہے ، اسلام نے اطفال کی تربیت پر خصوصی احکامات دیئے تاکہ معاشرہ صحت مند بنیادوں پر قائم رہے ۔ انہوں نے کہاکہ بچے قوم کا مستقبل ہیں جسے سنوارنے کیلئے بہتر تعلیم و تربیت ضروری ہے ۔انہوں نے مزید کہا کہ بچوں سے متعلق قرآن پاک کے ساتھ سنت بھی اس سلسلے میں انسانیت کی رہنمائی کرتی ہیں، ایک حدیث کے مطابق حضوراکرم ۖ نے تاکید فرمائی کہ اپنے بچوں کی مختلف شعبہ حیات ہائے میں تربیت کریں جن میں والدین کے ساتھ حسن سلوک ، ادب و تہذیب اور گھڑسواری/اونٹ دوڑ، تیراندازی (وسائل دفاع و تربیت)تیراکی(حفاظت جاں کے ذرائع) کی تربیت کی تاکید فرمائی اس کیساتھ ساتھ بچے کی عمر یعنی 7سال سے20 سال تک کس انداز میں تربیت کی جائے یہ اصول بھی بتایا تاکہ بچہ معاشرے کا ایک بہترین فرد بنے اور تربیت یافتہ جوان معاشرے کی بہتری میں کلیدی کردار ادا کریں۔
عالمی یوم اطفال پربھی مظلوم فلسطینی بچے ظلم و جارحیت کا شکار، عالمی بے حسی تشویشناک، قائد ملت جعفریہ پاکستان
متعلقہ مضامین
