قائد ملت جعفریہ پاکستان آیت اللہ سید ساجد علی نقوی سے امامیہ آرگنائزیشن پاکستان کے مرکزی وفد کی ملاقات
وفد کی مختلف امور پر قائد محترم سے گفتگو، آیت اللہ سید ساجد علی نقوی نے شرکاء کی گزارشات سنیں اور رہنمائی فراہم کی
راولپنڈی: قائد ملت جعفریہ پاکستان آیت اللہ سید ساجد علی نقوی سے امامیہ آرگنائزیشن پاکستان کے چیئرمین سید حضور مہدی الحسینی کی سربراہی میں تنظیم کے مرکزی وفد نے ملاقات کی۔ ملاقات کے دوران وفد نے تنظیمی، ملی اور دیگر اہم امور پر قائد محترم سے تبادلۂ خیال کیا اور مختلف معاملات کے حوالے سے اپنی گزارشات پیش کیں۔
اس موقع پر آیت اللہ سید ساجد علی نقوی نے وفد کے ارکان کی گزارشات غور سے سنیں اور زیرِ بحث امور کے حوالے سے رہنمائی فراہم کی۔ انہوں نے وفد کے لیے نیک خواہشات کا اظہار کرتے ہوئے باہمی مشاورت، ذمہ داری کے احساس اور مثبت طرزِ عمل کی اہمیت کو اجاگر کیا۔
ملاقات میں امامیہ آرگنائزیشن پاکستان کے مرکزی ناظم قومی امور لعل مہدی خان، مرکزی مسئول شعبہ خواتین چوہدری اسد اللہ خان، مرکزی ایڈیشنل جنرل سیکرٹری سید ندیم آفتاب، ناظم راولپنڈی ریجن چوہدری نذر حسین، سابق مرکزی صدر آئی ایس او اور سیکرٹری زون نمبر 5 ملک اعجاز حسین، زونل ناظم زون 3 لاہور، گجرات، گوجرانوالہ و ساہیوال سید ممتاز حسین بخاری، اور فضل عباس بھٹی بھی شریک تھے۔
ملاقات میں مختلف امور پر تبادلۂ خیال کے دوران قائد محترم کی جانب سے فراہم کردہ رہنمائی کو اہمیت دی گئی۔ وفد نے قائد ملت جعفریہ پاکستان سے ملاقات کے موقع پر اپنے مختلف معاملات پیش کیے، جبکہ آیت اللہ سید ساجد علی نقوی نے شرکاء کے لیے نیک تمناؤں کا اظہار کیا۔
