- وزیرِ اعظم کی زیر صدارت این آئی ٹی بی اور وزارت آئی ٹی کے اقدامات سے متعلق اجلاس منعقد ہوا، جس میں وزارت آئی ٹی کی جانب سے 3.8 ارب ڈالر کی برآمدات کے ہدف کے حصول کو سراہا گیا۔ وزیرِ اعظم نے آئندہ برسوں کے سالانہ اہداف اور 30 ارب ڈالر کے ہدف کے لیے جامع لائحہ عمل پیش کرنے کی ہدایت کی۔
- وزیرِ اعظم نے کہا کہ ڈیجیٹائزیشن سے معیشت کی ترقی اور عصری تقاضوں سے ہم آہنگی کے لیے اہم اقدامات کیے جا رہے ہیں۔ آئی ٹی برآمدات کے لیے مکمل ڈیجیٹل ایکو سسٹم اور انفراسٹرکچر متعارف کرایا جا رہا ہے۔
- این آئی ٹی بی کے بنیادی ڈھانچے کی ازسر نو تنظیم اور مارکیٹ سے بہترین افرادی قوت کی بھرتی پر زور دیا گیا۔ نوجوانوں خصوصاً خواتین کو آئی ٹی کے شعبے میں خود انحصار بنانے کے لیے سینٹرز کے قیام کو خوش آئند قرار دیا گیا۔
- وزیرِ اعظم نے کہا کہ ای آفس کے نفاذ سے پیپر لیس گورننس ممکن ہوئی ہے جس سے وقت اور وسائل کی بچت ہو رہی ہے۔ ڈیجیٹل یوتھ ہب سے ہزاروں نوجوان باعزت روزگار حاصل کر رہے ہیں۔ نوجوانوں کو آئی ٹی میں تعلیم و ہنر فراہم کر کے عالمی سطح پر مسابقت کی صلاحیتوں سے لیس کیا جا رہا ہے۔
وزیرِ اعظم کی زیر صدارت این آئی ٹی بی اور وزارت آئی ٹی کے اقدامات پر اجلاس، 30 ارب ڈالر کے ہدف کیلئے جامع حکمت عملی کی ہدایت
متعلقہ مضامین
