یکم نومبر 1947ء سرزمین گلگت بلتستان کی ڈوگروں سے آزادی اور پاکستان سے وفاداری کادن ہے،گلگت بلتستان کو باقاعدہ صوبہ ڈکلیئر کیا جائے، قائد ملت جعفریہ پاکستان علامہ سید ساجد علی نقوی.
78ویں یوم آزادی گلگت بلتستان پر تمام قومی ہیروز کو خراج تحسین پیش کرتے ہیں ،خطہ کے عوام کے مسائل کو سنجیدگی سے لیا جائے
راولپنڈی /اسلام آباد31اکتوبر 2025ء : قائد ملت جعفریہ پاکستان علامہ سید ساجد علی نقوی نے گلگت بلتستان کے 78ویں یوم آزادی کے موقع پر کہا کہ گلگت بلتستان ملک کا اہم اور حساس ترین خطہ ہے وقت کی ضرورت ہے کہ اس خطے کو اب تمام آئینی حقوق دے کر صوبہ ڈکلیئر کیا جائے۔جبکہ ایگزیکٹو آرڈر2018ء کے بعد تمام مجوزہ اقدامات دھرے کے دھرے رہ گئے ۔یکم نومبر 1947ء سرزمین گلگت بلتستان کی ڈوگروں سے آزادی اور پاکستان سے وفاداری کادن ہے اور یہ دن گلگت بلتستان کے عوام کی بہادری، اتحاد اور آزادی کی علامت ہے۔ گلگت بلتستان کے بہادر رہنمائوں اور مقامی قبائل نے اس تحریک کو کامیاب بنایا اور اپنی سرزمین کو آزاد کروایا اس موقع پر ان تمام قومی ہیروز کو خراج تحسین پیش کرتے ہیں۔علامہ ساجد نقوی نے مزید کہا کہ گلگت بلتستان خطے کی تمام سبسڈیز اور سہولیات برقرار رکھی جائیں اور خطہ کے عوام کے مسائل کو سنجیدگی سے لیا جائے اور ان کی امنگوں کے مطابق تمام فیصلے کئے جائیں۔ انہوںنے مزیدکہاکہ کسی بھی خطے میں تمام آئینی و قانونی اقدامات اس وقت اٹھائے جاتے ہیں جب اس خطے کو تمام آئینی وقانونی حقوق فراہم کئے جائیں لہٰذا وقت کی ضرورت ہے کہ گلگت بلتستان جو ایک عرصہ سے سرزمین بے آئین ہے اسے قومی دھارے میں باقاعدہ شامل کیا جائے او ر اسے آئینی حقوق فراہم کرتے ہوئے پارلیمنٹ اور سینیٹ میں نمائندگی دی جائے ۔انہوں نے مزید کہاکہ حکمرانوں کی ذمہ داری ہے کہ وہ تمام شہریو ں کو ان کے بنیادی حقوق کی فراہمی یقینی بنانے کیلئے اقدامات اٹھائیں اور ان کی جائز ضروریات کا خیال رکھیں۔
یکم نومبر1947ء سرزمین گلگت بلتستان کی ڈوگروں سے آزادی اور پاکستان سے وفاداری کادن، گلگت بلتستان کو باقاعدہ صوبہ ڈکلیئر کیا جائے،قائد ملت جعفریہ پاکستان
متعلقہ مضامین
